Տիգրան Սարգսյան. «Քաղաքական դաշտում ես ոչինչ չեմ բացառում»
Վերջին լուրեր
«Գոյություն ունի քաղաքական տեսական բանավեճ՝ որ ընտրահամակարգն է առավել արդյունավետ»,-այս մասին այսօր Ազգային ժողովում լրագրողների հետ ճեպազրույցում ասաց ՀՀ վարչապետ Տիգրան Սարգսյանը՝ անդրադառնալով համամասնական և մեծամասնական ընտրակարգերի վերաբերյալ վերջին քննարկումներին: Վարչապետը սակայն չցանկացավ մեկնաբանել ՀՀ երկրորդ նախագահ Ռոբերտ Քոչարյանի արտահայտած տեսակետը 100 տոկոսանոց համամասնական ընտրակարգին անցում կատարելու վերաբերյալ:
«Մենք նոր ենք մեր Ընտրական օրենսգիրքը փոփոխել և կարծում եմ, որ նախագահական ընտրություններից հետո մենք հնարավորություն կունենանք կառավարման համակարգի արդյունավետության վերաբերյալ քաղաքական բանավեճ ունենալ Ազգային ժողովում, բայց, կարծում եմ, որ այսօր ընտրություններից մի քանի ամիս առաջ անդրադառնալ այդ խնդրին այդքան էլ ճիշտ չէ»,-ասաց վարչապետը:
Անդրադառնալով ԲՀԿ-ի կողմից իրականացվող քաղաքական խորհրդակցություններին՝ վարչապետը նշեց, որ ինքը քաղաքական դաշտում ոչինչ չի բացառում. «Մեր կուսակցության դիրքորոշումն էլ եղել է բաց և հրապարակային, մենք պատրաստ ենք համագործակցության քաղաքական այն ուժերի հետ, որոնք ուզում են մեզ հետ համագործակցել՝ մեր երկրում իրականցնել բարեփոխումներ: Մի քանի անգամ դա մեզ հաջողվել է»:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
