Խոհեր թիվ 1 ընտրատարածքից

Թիվ 1 ընտրատարածքում առաջադրված պատգամավորի թեկնածու, «Ժառանգություն» կուսակցության վարչության անդամ Ստեփան Սաֆարյանը facebook-ի իր էջում գրել է.

«Ժողովուրդ ջան, պինդ բռնվեք աթոռներից ու գնացինք առաջ:

Թիվ 1 ընտրատարածքում ՀՀԿ-ից իմ մրցակից թեկնածուն իր նախըտրական բուկլետում գրել է:

Ինչի համար եմ պայքարում.
-հավասար հնարավորություններ ստեղծելու /ստոր հերյուրանք է, թե դա վերաբերում է Ստեփան Սաֆարյնաի հետ հավասար հնարավորություններին/
-ազգային մշակութային ժառանգությունը պահպանելու ու զարգացնելու /մի մտածեք, թե դա մեր Ժառանգության մասին է/
-սոցիալական պետություն կառուցելու /մի մտածեք, թե դա անապահով խավին ընտրակաշառքով ապահովելն է, ստոր հերյուրանքներ են/

Ինչի դեմ եմ պայքարում
-Ամենաթողության /հանկարծ չմտածեք, թե դպրոցներում ու պետական հաստատություններում պարտադրված քարոզչությունը ամենաթողություն է, վերելակներում նկարներ տեղադրելը ամենաթողություն է, տնօրենները դրա հետ կապ չունեն, նրանք հիվանադանոցում են եղել, ինչպես 135 դպրոցի ՀՀԿ-ական տնօրեն Գարիկ Ներսիսյանը, եւ ընդհանրապես' թողողը լավ էլ թողել է, իսկի էլ ամենաթողությու չէ/
- Կոռուպցիայի ու հովանավորչության դեմ /ՈՉ ազգակցական կապերին, ՈՉ ԽԾԲ-ին, ՈՉ խնամիական կապերին, չի կարելի հարազատների տնօրինության տակ եղած պետական լծակները օգտագործել անձնական ու ընտանեկան նպատակներով/
-Միջակության դեմ /միջակ մարդիկ երկրում տեղ չունեն, նրանք պետք է անհապաղ դիմեն Հայրենակից ծրագրին ու մեկնեն Սիբիր/
-Իրավական կամայականության դեմ /էս մեկը լավ չեմ հասկանում. եթե կամայականություն է, ապա իրավական չէ, եթե իրավական է' կամայականություն չէ. Հետաքրքիր է' Հարսնաքարի մարդասպանությունը ի՞նչ էր/
Աղքատության /հանկարծ չմտածեք, թե սա աղքատ մարդկանց քվեի գնի մասին է/

Այ Սաֆարյան Ստյոպա, մի ասող լինի, էս գյոզալական կյանքն ինչի ես ուզում փոխես, որ ասում ես' «Միասին փոխենք մեր կյանքը»: Ախր կատարյալ գժանոցի համար ամեն ինչ առկա է: Իսկ դու' փոխենք, հա, փոխենք: Էխ Սարաֆրյան, էխ Ստեփան.....»: