«ՀԺ». Հերթական հերյուրանքներն է իմ հասցեին. ես ի՞նչ կապ ունեմ. Ռուբեն Հայրապետյան
Վերջին լուրեր
Երեկ կայացած ֆուտբոլի ազգային հավաքականների Հայաստան-Լիտվա հանդիպման ժամանակ ՀՖՖ նախագահ Ռուբեն Հայրապետյանը պատասխանել է թերթի թղթակցի հարցերին՝ նախօրեին տարածված այն տեղեկության առնչությամբ, ըստ որի՝ կիրակի օրը, Հայաստանի ֆուտբոլի առաջնության «Գանձասար»–«Փյունիկ» խաղից հետո ՀՖՖ–ում Ռուբեն Հայրապետյանը ծեծել է «Փյունիկ» ակումբի բժիշկ Վարդան Հովասափյանին։
–Հերթական հերյուրանքներն է իմ հասցեին։ Ամեն ինչ խեղաթյուրում են։ Ես հերքում եմ այդ տեղեկությունները։ Նման բան չի եղել։ Մարզական կարգապահությունը խախտելու համար «Փյունիկի» տնօրենը պատժել է մի քանի աշխատակիցների՝ հեռացրել է աշխատանքից, այդ թվում՝ թիմի բժշկին։ Ես ի՞նչ կապ ունեմ։
-Դու՞ք էիք հայտարարել, որ մարդկանց պատժում եք ծեծելով։
-Դուք նույնպես խեղաթյուրում եք իմ խոսքերը։ Այդ հայտարարությունը ես արել եմ՝ նկատի ունենալով թմրամոլներին։ Եվ նորից եմ կրկնում՝ բժշկին, մարզիչներին աշխատանքից ազատել է «Փյունիկ» ակումբի տնօրենը։ Ես այդ ամենի հետ կապ չունեմ։
Ըստ «ՀԺ»–ի վերոնշյալ լուրը հերքելու ամենահամոզիչ ճանապարհն այն է, որ այդ մասին լրագրողների առաջ հայտարարի «տուժող» Վարդան Հովասափյանը։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
