Եվրոպայի առաջնությանը Հայաստանը կներկայացնի 4 մարզիկ

Նոյեմբերի 16-ին Չեխիայի մայրաքաղաք Պրահայում կմեկնարկի մինչև 23 տարեկան ձյուդոիստների Եվրոպայի առաջնությունը: Մեր երկիրը երիտասարդական այդ ստուգատեսում կներկայացնեն չորս մարզիկներ: Հայաստանից տատամի կելնեն երևանցի Գրիգոր Իվանյանը / 60 կգ /, վանաձորցիներ Գոռ Հարությունյանը, Տիգրան Վարոսյանը /երկուսն էլ ՝ 66 կգ / և գյումրեցի Արտյոմ Բաղդասարյանը / 81 կգ /:

Թիմը մեկնելուց առաջ 12 –օրյա ուսումնամարզական հավաք անցկացրեց ՌԴ-ի Արմավիր քաղաքում:

Նշենք, որ անցյալ տարի, համանուն մրցաշարում հայաստանցի Արտյոմ Բաղդասարյանը գրավել էր երկրորդ տեղը, տեղեկացնում է ՀԱՕԿ –ի լրատվության բաժինը: