Financial Times. ԵՄ-ն պետք է սկսի բանակցությունները Թուրքիայի՝ այս կազմակերպությանն անդամակցելու վերաբերյալ

Financial Times-ն իր խմբագրական հոդվածում պնդում է, որ Եվրոպական միությունը պետք է վերսկսի բանակցությունները Թուրքիայի՝ այս կազմակերպության անդամակցության վերաբերյալ։ Վարչապետ Ռեջեփ Թայիփ Էրդողանի պաշտոնավարման ընթացքում Թուրքիան զգալի տնտեսական և քաղաքական առաջընթաց է ապրել։ Երկրի նախագահ Աբդուլահ Գյուլը Financial Times-ում վերջերս հրապարակված իր հոդվածում հիշեցնում է, որ այս փոխակերպման համար խթան է հանդիսացել ապագայում ԵՄ-ին անդամակցելու հույսը։

Ֆրանսիայի, Գերմանիայի և Կիպրոսի ճնշման ներքո բանակցային գործընթացը սառեցվել է երկու տարով։ Այժմ հարցված 5 թուրքերից միայն մեկն է հավատում, որ երկիրը երբևէ կմտնի ԵՄ։ ԵՄ-ում Թուրքիայի անդամակցությանը շատերն են դեմ, սակայն բանակցային գործընթացը վերսկսելը չափազանց կարևոր է. գրում է պարբերականը։ Կազմակերպության ընդլայնումը ԵՄ-ի կողմից մշակված առավել հաջող քաղաքական գործիքներից է։ Անդամակցելու մասին խոստումներով կազմակերպությունը խրախուսել է նախկին ավտորիտար երկրների ժողովրդավարացումը։ Անգամ եթե Թուրքիան արդյունքում այդպես էլ չդառնա ԵՄ-ի լիարժեք անդամ, հնարավոր անդամակցության մասին բանակցությունները չափազանց կարևոր է շարունակել, քանի որ այդպիսով Թուրքիան գուցե դառնա իր քաղաքացիների համար լավագուն վայրը և Եվրոպայի լավագույն գործընկերը։