Վետերանների էլ կլասիկոն ավարտվեց «Մադրիդի» հաղթանակով

Չորեքշաբթի օրն «արքայական ակումբի» և «Բարսելոնայի» վետերանները Classic Legends Match մրցաշարի շրջանակներում Քաթարի մայրաքաղաք Դոհայում հանդիպեցին միմյանց։

1500 հանդիսականի արջև երկու թիմերն էլ հիանալի հանդիպում անցկացրին։ Հանդիպման հիմնական ժամանակն ավարտվեց 5։5 հաշվով, և ֆուտբոլիստները հաղթողին որոշեցին հետխաղյա 11-մետրանոց հարվածաշարով։

«Ռեալի» կազմում գոլեր հեղինակեցին Իվան Պերեսը (2), Ամավիսկան, Ալֆոնսոն և Հաջին, կատալոնացիների կազմում աչքի ընկան Կոուտոն(2) Զենդենը (2) և Ռայցիգերը։

11-մետրանոց հարվածներն ավելի դիպուկ իրացրին մադրիդցիները. Ֆրանկ դե Բուրի և Կոուտոյի չիրացրած 11-մետրանոցները հաղթանակ բերեցին «Ռեալին»։

Նշենք, որ կլասիկոյին տրիբունայից հետևել է «Ռեալի» նախկին հարձակվող Ռաուլ Գոնսալեսը։