ԱԺ չորս խմբակցությունները հրավիրում են արտահերթ նիստ
Վերջին լուրեր
Հաշվի առնելով այն հանգամանքը, որ վերջին ընտրություններում կես միլիոնից ավել ձայն է եղել, դժվար է հավատալ օրինական ընտրություններին, բայց մենք պետք է անենք առավելագույնը։ Այս մասին այսօր ԱԺ–ում լրագրողների հետ հանդիպմանն ասաց ԱԺ ՀԱԿ խմբակցության ղեկավար Լևոն Զուրաբյանը։
Զուրաբյանը նշեց, որ իրենք մշակել են մի օրինագիծ՝ ընտրական օրենսգրքում փոփոխություններ կատարելու մասին։
«Բազմակի քվեարկության, ընտրացուցակի կեղծման, լցոնման մասին մենք խոսել ենք։ Մենք մեր տարբերակը դրել ենք շրջանառության մեջ, բայց որպեսզի փոփոխությունը չլինի նախագահական ընտրություններից հետո, չորս խմբակցությունների միջև խորհրդակցություն է եղել։ Մենք որոշել ենք նոյեմբերի 21-ին՝ ժամը 12-ին արտահերթ նիստ հրավիրել։ Անհրաժեշտ է հավաքել 44 ստորագրություն»,-ասաց ՀԱԿ պատգամավորը։
Զուրաբյանը նշեց, որ արդեն հավաքվել է 35 պատգամավորների ստորագրություն։ Եվ իրենք հույս ունեն, որ մինչև վաղը առավոտյան ժամը 11-ը հավաքել ստանալ մյուս ստորագրությունները։
Զուրաբյանը նշեց նաև, որ փաստաթղթում իրենք հաշվի են առել ՀՅԴ և «Ժառանգություն» կուսակցության առաջարկությունները։
«Մենք, բնականաբար, շնորհակալություն ենք հայտնում նրանց։ Սա կարող ենք համարել հավաքական փաստաթուղթ, որտեղ ներկայացված են լայն հասարակության սպասումները»,-եզրափակեց Զուրաբյանը։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
