Պանիր արտադրող 17 ընկերությունների նկատմամբ կիրառված արգելքը հանված է
Վերջին լուրեր
Պանիր արտադրող 17 ընկերությունների նկատմամբ կիրառված արգելքը հանված է։ Այս մասին այսօր լրագրողների հետ հանդիպման ժամանակ ասաց ՀՀ գյուղատնտեսության նախարարության սննդի անվտանգության ծառայության սննդի անվտանգության և որակի տեսչության պետի ժամանակավոր պաշտոնակատար Արմեն Արարատյանը: Վերջինիս փոխանցմամբ՝ արգելքը հանվել է՝ հիմք ընդունելով նրանց կողմից բավարար միջոցառումների անցկացումը:
«18 ընկերություններում հայտնաբերված խախտումների պատճառը սանիտարահիգիենիկ ոչ բավարար վիճակն էր»,-նշեց Արարատյանը:
Հիշեցնենք, որ կառավարության նախորդ նիստի ժամանակ սննդի անվտանգության պետական վարչության պետ Աբրամ Բախչագուլյանը ներկայացրեց պանրի ոլորտում արված ուսումնասիրությունները:
Ստուգումները կատարվել են թվով 59 տնտեսվարող սուբյեկտների մոտ։ Ստուգումների արդյունքում թվով 18 տնտեսվարող սուբյեկտի գործունեությունն արգելվել է՝ առանձին արտադրության կամ ամբողջ արտադրության կտրվածքով:
Սննդի անվտանգության պետական ծառայությունը հրապարակել է վերոնշյալ 18 տնտեսվարողների ցանկը:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
