Գերմանիայում նախկին նախարարներին չեն ձերբակալում. ԵԽ-ի նախագահը՝ Վրաստանի մասին
Վերջին լուրեր
Եվրոպական խորհրդարանի նախագահ Մարտին Շուլցը որոշել է պարզել պատճառները, ըստ որոնց՝ Վրաստանում իշխանափոխությունից հետո ձերբակալվել են մի շարք բարձրաստիճան զինծառայողներ և պաշտպանության նախկին նախարարը։ Այս մասին, ինչպես հաղորդում է Trend-ը, նա հայտարարել է Վրաստանի նախագահ Միխայիլ Սաակաշվիլիի հետ համատեղ ասուլիսում, որը պաշտոնական այցով գտնվում է Բրյուսելում։
«Իմ երկրում՝ Գերմանիայում, նախկին նախարարներին չեն ձերբակալում: Ես դեռ ձեռնպահ եմ մնում գնահատականներից Վրաստանում տեղի ունեցող ձերբակալությունների մասին, ինչպես նաև մտադիր եմ մանրամասն ուսումնասիրել իրավիճակը: Իմ օգնականներն արդեն հանձնարարականներ են ստացել իրավիճակը ուսումնասիրելու համար և կներկայացնեն ինձ իրենց հաշվետվությունները, ինչից հետո ես հանդես կգամ հայտարարությամբ»,-Շուլցի հայտարարությունը մեջբերում է գործակալությունը։
Եվրախորհրդարանի ղեկավարը նշել է նաև, որ նրա որոշ գործընկերներն արդեն մեկնաբանել են Վրաստանում տեղի ունեցաղ ձերբակալությունները, սակայն նա մտադիր չէ շտապել։ Շուլցը նաև ասել է, որ Վրաստանը «ԵՄ-ի հուսալի գործընկերն է», և որ իրավիճակն այդ երկրում «շատ կարևոր է ԵՄ-ի համար»:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
