ԲՀԿ-ն, ՀՅԴ-ն, «Ժառանգություն»-ը կմասնակցնեն, ՕԵԿ-ը՝ բացառվում է

Ինչպես արդեն տեղեկացրել էինք, նոյեմբերի 21-ին՝ ժամը 12.00-ին, արտահերթ նիստ գումարելու ՀԱԿ առաջարկին արդեն միացել են ԲՀԿ, ՀՅԴ խմբակցությունների պատգամավորները: 

Այս առթիվ Lurer.com-ը զրուցեց «Ժառանգություն» խմբակցության պատգամավոր Ռուբեն Հակոբյանի հետ` պարզելու` «Ժառանգություն»-ը կընդունի՞ ՀԱԿ-ի առաջարկը և կմիանա՞ արտահերթ նիստ գումարելու առաջարկին:

Մեզ հետ զրույցում Ռուբեն Հակոբյանը տեղեկացրեց, որ «Ժառանգություն»-ը ևս կընդունի ՀԱԿ-ի առաջարկը:

ԱԺ ՕԵԿ խմբակցության պատգամավոր Հեղինե Բիշարյանն էլ ծանոթ չէր այս առաջարկին, այդ իսկ պատճառով չկարողացավ պատասխանել հարցին:

Հիշեցնենք, որ Լևոն Զուրաբյանը, անդրադառնալով հարցին, թե ՕԵԿ-ի և ՀՀԿ-ի համագործակցություն հնարավոր է, թե՝ ոչ, ասել էր. «ՕԵԿ-ի հետ բացառվում է»։