Հույները սուրճ են թափել գերմանացի հյուպատոսի վրա
Վերջին լուրեր
Սալոնիկում ավելի քան 250 մարդ բողոքի ցույցի է դուրս եկել՝ ի նշան կոշտ տնտեսության քաղաքականության դեմ բողոքի: Բողոքի մասնակիցները սուրճ են թափել Գերմանիայի հյուպատոսի վրա և կռվի մեջ մտել ոստիկանության հետ: Այս մասին հաղորդում է Associated Press-ը:
Սալոնիկի համայնքային ծառայողները հավաքվել էին շենքի մոտ, ուր նոյեմբերի 15-ին անցկացվում է Բեռլինի և Աթենքի միջև հարաբերությունների ամրապնդմանն ուղղված խորհրդակցություն, որպեսզի իրենց բողոքն արտահայտեն խորհրդակցությանը ներկա գերմանացի պաշտոնյաների նկատմամբ:
Հույները փորձել են խոչընդոտել խորհրդակցության մասնակիցների մուտքը շենք և սուրճ են թափել Սալոնիկում Գերմանիայի հյուպատոս Վոլֆգանգ Հելշեր Օբերմայերի վրա: Վերջինս հայտարարել է, թե վիրավորված չէ դրանից և պատահածը թյուրիմացություն է որակել:
Այնուհետև մի քանի տասնյակ մարդիկ նեխուժել են շենք, ուր ընթանում էր խորհրդակցությունը: Ոստիկանությունը ստիպված է եղել նրանց դուրս բերել, իսկ փողոցում հավաքված ցուցարարների դեմ մահակներ և արցունքաբեր գազ կիրառել:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
