Հորդանանում սպանվել է վառելիքի գների աճի դեմ բողոքի ցույցի առաջին մասնակիցը
Վերջին լուրեր
Հորդանանում սպանվել է վառելիքի գների աճի դեմ բողոքի ցույցի առաջին մասնակիցը, տասնյակ մարդիկ վիրավոր են, հաղորդում է Reuters-ը։ Ըստ գործակալության տվյլաների՝ ցուցարարը կարող էր սպանվել ոստիկանության շենքի վրա ցուցարարների խմբի հարձակման ժամանակ, սակայն նրա ընտանիքը այս վարկածը հերքում է։
Ավելի վաղ հաղորդվում էր, որ ոստիկանության 12 աշխատակից տուժել է զինված մարդկանց՝ Իրբիդ քաղաքում ոստիկանության շենքի վրա հարձակման ժամանակ։ Նրանցից մեկը հիվանդանոցում է և կրիտիկական վիճակում է։
Անկարգությունները Հորդանանում, որոնց պատճառ են դարձել վառելիքի սուբսիդիաների վերացման մասին որոշումը, սկսվել են անցած չորեքշաբթի օրը: Ցուցարարները արգելափակում են ճանապարհները, հրկիզում կառավարական շենքերը։ Պաշտոնյաները հաստատել են, որ ոստիկանությունը արցունքաբեր գազ է կիրառել՝ դիմակներով հարյուրավոր երիտասարդների ցրելու համար, որոնք հրկիզում են ավտոմեքենաներ և հրահրում անկարգություններ։
«Հորդանանցիները ոգեշնչված են «արաբական գարունով», նրանք ժողովրդավարական բարեփոխումներ են պահանջում»,-գրում է Reuters-ը։ Բողոքի ցույցերը անց են կացվում բոլոր խոշոր քաղաքներում։
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
