Հայաստանը հայտնվել է Forbes-ի կազմած վարկանիշային աղյուսակում

Նոր Զելանդիան առաջին տեղն է զբաղեցրել բիզնեսի համար լավագույնը համարվող երկրների ցուցակում, գրում է Forbes-ը:

Համաձայն ամսագրի՝ Նոր Զելանդիան բիզնեսի համար լավագույնն է ճանաչվել շնորհիվ իր թափանցիկ և կայուն բիզնես-մթնոլորտի, որը խթանում է երկրի արդյունաբերությունը: Ցուցակում երկրորդ տեղը զբաղեցրել է Դանիան: Այնտեղ յուրաքանչյուր բնակչին բաժին ընկնող ՀՆԱ-ն ամենաբարձրն է աշխարհում:

Հոնկոնգը զբաղեցնում է 3-րդ տեղը: Նրա տնտեսությունը, որը կախված է միջազգային առևտրից և ֆինանսներից, մնում է աշխարհում ամենավառը: Այստեղ գործազրկությունը կազմում է 3.2%:

4-րդ տեղում է Սինգապուրը, որի տնտեսությունը կախված է արտահանումից:

Հնգյակը եզրափակում է Կանադան: Լավագույն տասնյակում են հայտնվել նաև Իռլանդիան, Շվեդիան, Նորվեգիան, Ֆինլանդիան և Մեծ Բրիտանիան:

Նախկին ԽՍՀՄ երկրներից լավագույնները Մերձբալթյան երկրներն են. Էստոնիան 22-րդ տեղում է, Լիտվան՝ 35-րդ, իսկ Լատվիան 40-րդն է:

Մեր հարևաններից Վրաստանը 50-րդ հորիզոնականում է, Ադրբեջանը՝ 73-րդ, իսկ Հայաստանը զբաղեցրել է ցուցակում 77-րդ տեղը: