Apple-ը սկսել է դիվիդենտներ վճարել

Apple ընկերությունն այսօրվանից սկսում է դիվիդենտների վճարումն իր բաժնետերերին: Ընկերությունը մտադիր է մեկ բաժնետոմսի համար վճարել $2.65, իսկ վճարումների չափը կազմում է 2.5 մլրդ ԱՄՆ դոլար: Այդ մասին ասվում է ընկերության կայքի ներդրողների բաժնում:

Վերջին անգամ Apple-ը դիվիդենտներ վճարել է 1995թ.-ին: Այս տարվա մարտ ամսին ընկերությունը հայտնել էր բաժնետոմսերի հետգնման մասին, որոնց ծավալը կազմում էր 10 մլրդ ԱՄՆ դոլար, իսկ մեկ բաժնետոմսը գնահատվում է $2.65:

Մոտակա երեք տարիներին ընկերությունը պլանավորում է բաժնետերերին վերադարձնել մոտ 40 մլրդ ԱՄՆ դոլար: Այս տարվա հոկտեմբեր ամսին ընկերությունը հայտնել էր, որ ֆինանսական արդյունքերի համաձայն՝ ընկերության ենթակայության տակ են գտնվում $121.4 մլրդ-ի դրամական միջոցներ և բաժնեթղթեր:

Ընկերության ցուցանիշները վերջին շրջանում սկսել են նվազել: Apple-ի շուկայական կապիտալիզացիան նվազել է` հասնելով մարտ ամսի տվյալներին` մոտ 505 մլրդ ԱՄՆ դոլար, որը $120-ով ցածր է այս տարվա սեպտեմբերի տվյալներից: Չնայած այդ ամենին` ընկերությունը պահպանում է ամենաթանկ ընկերության անունը: