«Կարևոր չէ՝ ես ավագի թևկապով եմ, թե առանց դրա». Հենրիկ Մխիթարյան
Վերջին լուրեր
Հայաստանի ազգային հավաքականի կիսապաշտպան Հենրիկ Մխիթարյանը «Շախտյորի» պաշտոնական կայքին տված հարցազրույցում անդրադարձել է Հայաստան-Լիտվա ընկերական հանդիպմանը և «Արսենալի» հետ առաջիկա խաղին:
«Լիտվայի հետ խաղի կարևորությունը այն էր, որ ճանապարհում էինք մեր լեգենդար ավագ Սարգիս Հովսեփյանին, ով ավարտեց իր ֆուտբոլային կարիերան: Հոգու խորքում ցավում էինք, որ հրաժեշտ էինք տալիս նրան: Շատ էինք ցանկանում խաղթել և նվեր մատուցել նրան: Լավ է, որ դա մեզ հաջողվեց: Ինձ համար կարևորը, որ յուրաքանչյուր ֆուտբոլիստ հասկանա իր կարևորությունը դաշտում: Յուրաքանչյուրը պետք է խաղա այնպես, ասես ինքն ավագ է: Ինձ համար կարևոր չէ՝ ես ավագի թևկապով եմ, թե առանց դրա»:
Անդրադառնալով Ուկրաինայի առաջնության շրջանակներում «Արսենալի» հետ առաջիկա հանդիպմանը՝ Մխիթարյանը նշել է. ««Արսենալը» թույլ մրցակից չէ: Ուրախ կլինեմ, եթե հաղթենք այդ խաղում, նույնիսկ՝ ոչ խոշոր հաշվով: Կարևորը երեք միավոր վաստակելն է և «Նորդշելանդի» հետ խաղից առաջ լավ տրամադրություն ունենալը»:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
