ՀԱՄԱՍ. Ակնհայտ պատերազմի մեջ ենք Իսրայելի հետ (տեսանյութ)

ՀԱՄԱՍ խմբավորումը հաստատել է, որ ի կատար է ածելու Իսրայելի նկատմամբ վրեժխնդրության ծրագիրը ՝ այնտեղ ուղարկելով մահապարտներ և հայտարարելով բաց (ակնհայտ) պատերազմական դրություն, հաղորդում է Russia Today լրատվական գործակալությունը:

Առաջնորդի սպանությունը «բացել է դժոխքի դռները», - ՀԱՄԱՍ-ի ռազմական թևի խոսքը մեջբերել է Agence France-Presse-ը:

ՀԱՄԱՍ-ը հայտարարել է, որ ոչ մի մարտավարություն չի բացառվելու հարձակման ժամանակ. «Դիմադրության պայմանները այժմ բաց են և ընդգրկում են մահապարտների հարձակումներ, ինչպես նաև որակական հարձակումներ Իսրայելի քաղաքներում»:

ՀԱՄԱՍ-ի խոսնակ Խալիլ ալ-Հայան խոստացել է, որ սիոնիստ թշնամին «թանկ կվճարի իր վախկոտ կերպով իրականացրած սպանության համար»

ՀԱՄԱՍ-ի ավագ ներկայացուցիչ Իզաթ ալ-Ռիշքը ավելացրել է, որ Բենիամին Նեթանյահուն օգտագործում է «ռազմական հանցագործություն» եզրույթը, որպեսզի ուժեղ երևա ազգային անվտանգության հարցում' որպես իր նախընտրական խոստումի մի մաս:

ԱՄՆ Պետդեպարտամենտը հանդես է եկել մի հայտարարությամբ, որում պաշտպանում է Իսրայելի «ինքնապաշտպանության» իրավունքը, բայց «ոգևորում ենք Իսրայելին շարունակել ձեռնարկել ամեն ջանք խուսափելու քաղաքացիական զոհերից»:

Եգիպտոսի ԱԳՆ-ն իր հայտարարության մեջ կոչ է անում Իսրայելին անմիջապես դադարեցնել Գազայի հատվածի վրա իր հարձակումները:

Եգիպտոսը հետ է կանչել իր դեսպանին Թել-Ավիվից Կահիրե՝ Իսրայելի կողմից Գազայում ռազմական գործողություններ սկսելուն ի պատասխան: