The Daily Telegraph. Իսրայելը զորահավաք է հայտարարել Թել Ավիվի ռմբակոծության փորձից հետո
Վերջին լուրեր
Իսրայելը Գազայի հետ իր սահմանագծում զորահավաք է հայտարարել այն բանից հետո, ինչ այդ տարածքից արձակված հրթիռները փորձեցին խոցել իր առևտրական մայրաքաղաք Թել Ավիվը, գրում է The Daily Telegraph-ը:
Տանկեր կրող առնվազն տասնյակ մեքենաներ և զրահապատ մեքենաներ են շարժվել սահմանի ուղղությամբ, մինչդեռ ավտոբուսները տեղափոխել են զինվորներին, քանի որ մեծանում է ծայրահեղական իսլամիստական ՀԱՄԱՍ խմբավորման և Իսրայելի միջև ռազմական ընդհարման հավանականությունը:
Էհուդ Բարակը՝ Իսրայելի պաշտպանության նախարարը, ևս հավանության է արժանացրել 30.000 պահեստայինների զորահավաքը:
Երկու հրթիռները ընկել են հենց Թել Ավիվի մոտակայքում, ընդ որում սա պատմության մեջ միակ դեպքն է, երբ հրթիռները հասնում են այսքան երկար տարածության վրա Իսրայելի ներսում: Մեկը խոցել է 11 կմ հեռավորության վրա գտնվող փոքրիկ Ռիշոն Լեզիոն քաղաքը, իսկ ահա մյուսը՝ իրանական Ֆաջր-5 հրթիռը, ընկել է ծովը՝ Ջաֆֆայի ափին՝ Թել Ավիվից հարավ:
1991թ. Ծոցի պատերազմից ի վեր՝ սա Թել Ավիվը խոցելու առաջին փորձն էր: Վերջին 20 տարիների ընթացքում օդային ռմբակոծության ձայնը լսվում էր քաղաքում առաջին անգամ: Իսրայելի պաշտոնյաները մինչ այդ հայտարարել էին, որ Թել Ավիվի ռմբակոծությունը կլինի «կարմիր գիծ», ինչը կբերի պատերազմի:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
