Վատ սովորություններ, որոնք փչացնում են աշխատանքային կարիերան

Ձեզ պաշտոնում չե՞ն բարձրացրել: Կարող եք մեղադրել տնօրենին, բամբասողներին, ծնողներին կամ հորոսկոպին, բայց միգուցե դո՞ւք եք ձեր ամենավատ թշնամին. գրում է News.com.au կայքը:

Լուսաբանող Դեբրա Թեյլորը ներկայացնում է այն վատ սովորությունների տասնյակը, որոնք վնասում են կարիերային.

1. Գրասենյակային «քեֆերի» ժամանակ շատ խմելը։

2. Օգտակար ծանոթություններ ունենալու անհրաժեշտության մասին մոռանալը (ձեր պրոֆեսիոնալ ծանոթությունները ձեր եկամուտն են: Պարտադիր չէ քծնել տնօրենին, բայց եղե՛ք առաջնային շարքերում. խորհուրդ է տալիս բիզնես մարզիչ Մոնիկ Կիներսոնը)։

3. Չափազանց համարձակ խոստումները, խոստումի չկատարումը կամ սուտը։

4. Անձամբ քննադատություն խնդրելն ու այնուհետև նեղանալը։

5. Անձնական նամակագրություն իրականացնելն աշխատանքային փոստարկղով։

6. Մտածելը, թե ձեր կատարած գործողությունն արդեն ինքնին խոսում է իր մասին: Մի՛ վախեցեք պատմել ձեր ձեռքբերումների մասին։

7. Անկեղծանալը սոցիալական ցանցերում, օրինակ՝ ողջ աշխարհին հայտնելը, որ Դուք որոշել եք բացակայել աշխատանքից։

8. Սեփական կրթության մակարդակով բավարարվելը. տեխնիկական առաջընթացից հետ մնալու ռիսկ կա։

9. Դուռը ուժեղ փակելը տնօրենի հետ վիճվելուց հետո։

10. Չափազանց բարձր խոսելը. «գրասենյակը խարդավանքների ամբողջություն է՝ Մաքիավելիի ոճի և բրազիլական սերիալների նման»: