«Ժողովուրդ». Տիգրան Սարգսյանի հորդորները ոչ մի նշանակություն չունեն Սերժ Սարգսյանի համար
Վերջին լուրեր
Ֆրանսիա կատարած այցից հետո Սերժ Սարգսյանը մեկնել է մեկշաբաթյա հանգստի: Ինչպես փոխանցում են «Ժողովուրդ»-ի լավատեղյակ աղբյուրները, Ս. Սարգսյանն իր հանգիստն անց է կացնում Գերմանիայի Դաշնության հայտնի Բադեն-Բադեն քաղաքի առողջարանում: Թերթը փորձել է ՀՀ նախագահի նստավայրից պարզել լուրի իսկությունը, սակայն հարցը մնացել է անպատասխան:
Թերթը հիշեցնում է, որ Ս. Սարգսյանը հաճախ է լինում Բադեն-Բադենում, և կարելի է ասել՝ այս տարի ևս չի խախտել ավանդույթը: Այդ առողջարանը հայտնի է հատկապես իր տաք աղբյուրներով, որոնց բուժման առանձնահատկությունները նկատել են դեռ հին հռոմեացիները: Բադեն-Բադենում է գտնվում նաև Գերմանիայի ամենահայտնի և հին խաղատունը: Ինչպես երևում է, վարչապետ Տիգրան Սարգսյանի հորդորները, թե բոլոր հայերը պետք է հանգստանան միայն Հայաստանում կամ Արցախում, ոչ մի նշանակություն չունեն Ս. Սարգսյանի համար: Նա գերադասում է եվրոպական երկրներում անցկացնել առողջարանային հանգիստը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
