Մեքսիկայում ևս առաջարկում են օրինականացնել մարիխուանան

Մեքսիկայի առաջատար քաղաքական ուժերից մեկի՝ Դեմոկրատական հեղափոխության կուսակցության (PRD) պատգամավոր Ֆերնանդո Բելաունսարանը խորհրդարանում նիստի ժամանակ առաջարկել է ներկայացնել Մեքսիկայում մարիխուանայի աճեցման և տարածման օրինականացման մասին։ Այս մասին հաղորդում է РИА Новости-ին։ «Այս նախաձեռնության հիմնական նպատակը բանավեճեր սկսելն է վնասակար սովորույթների տարածումը կանխելու համար, իսկ մարիխուանայի վերաբերյալ՝ խնդիրներ լուծել տեղեկատվության և կրթության առումով»,-ասել է ձախ կուսակցության պատգամավորը։

Առաջարկվում է հանել պատիժը մարիխուանայի արտադրության, մշակման, տարածման և վաճառքի վրա։ Խորհրդարանական նախաձեռնությունը ենթադրում է, որ յուրաքանչյուր մեքսիկացի կարող է օրինական կերպով տանը ունենալ կանաբիսի մինչև 5 բույս անձնական օգտագործման համար, իսկ մարիխուանայի օրինական իրացումը պետք է կատարվի խիստ հսկողության տակ է իշխանությունների կողմից լիազորված առաքողների օգնությամբ։

Վաճառել փափուկ թմրանյութեր կկարողանան միայն առանց քրեական անցյալի և համապատասխան քննություն անցած մարդիկ: Ըստ պատգամավորի՝ առաջարկված միջոցառումների փաթեթը կօգնի մահացու հարված հասցնել մարիխուանայի սև շուկային։

Այժմ այս առաջարկը պետք է քննարկի խորհրդարանը, և հաստատման դեպքում կսկսվեն կոնկրետ աշխատանքներ օրինագծի կյանքի կոչման համար: