Der Spiegel. Իսրայելը հայտարարել է զինադադարի մասին
Վերջին լուրեր
Մերձավոր Արևելքում պատերազմի վտանգը գնալով մեծանում է: Իսրայելի ռազմա-օդային ուժերն այս գիշեր հարձակումներ են գործել Գազայի հատվածի վրա: Ցամաքային զորքերը բերվել են մարտական պատրաստվածության:
Սակայն այժմ սպասվում է, թեկուզև ժամանակավոր, զինադադարի հաստատում, հայտարարել է Իսրայելի վարչապետ Բենիամին Նեթանյահուն: Զինադադարի հաստատումը պայմանավորված է Եգիպտոսի վարչապետի՝ դեպի տարածաշրջան սպասվելիք այցով. գրում է գերմանական թերթը:
Նվազագույնը երեք ժամվա ընթացքում, երբ Եգիպտոսի վարչապետ Հիշամ Քանդիլը լինելու է Գազայի հատվածում, հակամարտող կողմերը զենքը պետք է վայր դնեն. այս մասին ուրբաթ օրն արդեն կարգադրություն է արել Իսրայելի վարչապետ Բենիամին Նեթանյահուն:
«Իսրայելը դադարեցնելու է իր հարձակումները»,-մեջբերել է իսրայելական կառավարության ներկայացուցիչը: Զինադադարի հաստատումը լինելու է Եգիպտոսի խնդրանքով: Զինադադարի պայմաններից է նաև, որ Գազայի հատվածում նույնպես կրակը պետք է դադարեցվի:
Վարչապետ Քանդիլն ուրբաթ օրը այցելել է Գազայի հատվածը: Նրա այցը մեկնարկել է այսօր առավոտյան: Վարչապետի այս այցելությունը ՀԱՄԱՍ իսլամական շարժման կողմից ղեկավարվող Գազայի հատվածին ցուցաբերվող աջակցության նշան է հանդիսանում:
Վարչապետին իր այցի ժամանակ ուղեկցում էին եգիպտական կառավարության բարձրաստիճան անձինք:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
