Շվեդիայում ծանր հանցագործությունների մեղադրանքով ձերբակալվել է Ռուսաստանի և Վրաստանի 7 քաղաքացի

Շվեդական ոստիկանությունը փախստականի ճամբարում կասկածանքով ձերբակալել է Ռուսաստանի և Վրաստանի յոթ քաղաքացու՝ ծանր հանցագործությունների մեղադրանքով. հաղորդում է LifeNews-ը։

Կասկածյալները ձերբակալվել են երեկ վաղ առավոտյան Գոթենբուրգ քաղաքում ոստիկանության՝ Chembro park camping փախստականի ճամբարում իրականացրած ստուգման արդյունքում։ Հատուկ գործողությանը մասնակցել է մոտ 50 ոստիկան։ Ըստ ոստիկանության աշխատակցի՝ հատուկ ծառայությունները հետևել են կասկածյալներին 7 ամիս։ Ձերբակալվածները կասկածվում են թմրանյութերի անօրինական շրջանառության, գողության և կողոպուտի, ինչպես նաև՝ ռուսական հանցագործ խմբավորումների հետ կապերի մեջ։

Բորոր ձերբակալվածները Վրաստանի և Ռուսաստանի քաղաքացիներ են, սակայն նրանց անունները դեռ չեն հրապարակվում։