Սկսվել է ինֆորմացիոն քարոզարշավ՝ ընդդեմ Րաֆֆի Հովհաննիսյանի

Վահան Ղուկասյանը facebook սոցցանցի իր էջում գրել է.

«Մինչ «Ժառանգություն»-«Ազատ Դեոկրատներ» ռազբորկան ամբողջ թափով շարունակում է խորհրդարանում, սկսվել է ինֆորմացիոն քարոզարշավ՝ ընդդեմ Րաֆֆի Հովհաննիսյանի, որին փորձում են դեմոնիզացնել ու կապել ինչևինչ մութ ուժերի հետ։
Այս կոնտեքստով դասական կլյաուզ հիշեցնող հոդված է հրապարակել «Իրատես de facto»-ն, որում ես նախ առնչվեցի նոր տերմինաբանության՝ «իրազեկներ», որը երևի կոչված է փոխելու տարբեր դիստանցիաներում կանգանած «աղբյուրների» առաջացրած միատիպությունն ու միապաղաղությունը... ինչևիցե, թերթի խիստ իրազեկները պնդում են, որ քաղաքական աղմկոտ ապահարզանը եղել է այն պատճառով, որ Րաֆֆին բանակցություններ է սկսել ԲՀԿ-ի մորմոնասեր թևի հետ՝ այսինքն Օսկանյանի ու Րաֆֆին ցանկացել է, որպեսզ Արևմուտքը դրույքն իր վրա կատարի։ Այս մասին իմանալով նեղացել է Քոքոբելյանը (ով ըստ երևույթին մորմոններ չի սիրում), մեկ էլ վերևները ու խաղից հանել են Րաֆֆիին... Վերջում էլ, եզրափակելով քաղաքագիտության գոհար հանդիսացող այս իրազեկախառը վերլուծությունը, «Իրատես de facto»-ն հայտարարում է, որ ««Րաֆֆին երբեք չի վերածվի պրոյեկտի՝ ոչ արեւմտյան, ոչ էլ այլ կարգի»,- տեղեկացրին իրազեկները»...
Լրատվական դաշտը մառազմի մեջ է, որն ուժեղանում է նախագահական ընտրությունների մոտենալով։

Հղում։

Հ.Գ. Ի դեպ, ԱԺ «Ժառանգություն» խմբակցության Ռուբեն Հակոբյանը գրություն է ուղարկել ԱԺ խոսնակին, որտեղ տեղեկացնում է, որ Ալիկ Արզումանյանը հետ է կանչվում Աժ արտաքին հարաբերությունների մշտական հանձնաժողովի փոխնախագահի պաշտոնից։ Փաստորեն Ազատ Դեմոկրատների էկզեկուցիան շարունակվում է»։

Հղում։