Բրիտանացի ջութակահարն ամենաարագն է աշխարհում (տեսանյութ)

Աշխարհի ամենաարագ ջութակահարը՝ 32-ամյա Բեն Լին, ով նվագել է Ռիմսկի-Կորսակովի «Մեղվի թռիչք» ստեղծագործությունը 15 նոտա մեկ վայրկյանում արագությամբ, ստացել է «Ամենաարագ գերմարդու» կոչումը՝ նոր ռեկորդ սահմանելով բրիտանական Superhuman Showdown շոուի ժամանակ. գրում է The Daily News-ը։ Ջութակահարը 4 անգամ շարունակ ճանաչվել է աշխարհի ամենաարագ ջութակահար։ «Նման արագության հասնելու համար ես ստիպված էի պարապել հազարավոր ժամեր։ Մեծ մասամբ այսպիսի արդյունքի հասնել ինձ օգնել են ծնողներս, ովքեր չափազանց երաժշտական են և միշտ ոգեշնչել են ինձ»,-ասել է ռեկորդակիրը։

Բեն Լին առաջին ջութակահարն է, ով ներկայացված է եղել Գինեսի ռեկորդների գրքում ինչպես ակուստիկ, այնպես էլ էլէկտրաջութակի վրա նվագելու համար։ Անցյալ տարի ջութակահարը ապահովագրել է իր մատերը 3 մլն ֆունտով լուրջ վթարից հետո. գրում է The Daily Telegraph-ը։