«Շախտյորի» դեմ ուժի տեսանկյունից չի կարող խաղալ նույնիսկ «Բարսելոնան». Գրոզնի

«Տոբոլի» 56-ամյա մարզիչ Վյաչեսլավ Գրոզնին «СЭ»-ին տված հարցազրույցում անդրադարձել է «Շախտյորի» հիանալի խաղին և առաջատար ֆուտբոլիստ Հենրիկ Մխիթարյանին։

«Կարծում եմ՝ «Շախտյորը» կարող է նվաճել ամենահեղինակավոր եվրոպական մրցանակը։ Հիշենք «Չելսիի» հետ նրանց խաղը։ «Հանքափորները» գերազանցեցին Չեմպիոնների լիգայի ներկայիս չեմպիոնին։ Ամենայն պատասխանատվությամբ նշում եմ, որ «Շախտյորի»  դեմ ուժի տեսանկյունից չի կարող խաղալ ոչ մի եվրոպական ակումբ, նույնիսկ՝ «Բարսելոնան»։ Ուժեղ է երևում «Բավարիան», սակայն նրանք չեն կարողանում այդպես վերահսկել գնդակը... Վերջերս հիշեցի Ժոզե Մոոուրինյուի գլխավորած «Պորտուին», որը հաղթեց 2003/04-ի չեմպիոնների լիգան։ Ես իսկապես կարծում եմ, որ այս «Շախտյորը» շատ ավելի ուժեղ է և հմուտ։ Իզուր չէ, որ «հանքափորները» հայտնվել են եվրոպական ակումբների ուշադրության կենտրոնում, մասնավորապես՝ Վիլանն ու Մխիթարյանը։ Մխիթարյանի ֆենոմենը կապված է «Շախտյորի» ցուցադրած ֆենոմենալ ֆուտբոլի հետ։ Հենրիկի գերարդյունավետ գործողությունները հիմնված են «հանքափորների» խաղի համակարգի հիմքի վրա։ 

Այդ համակարգում հարձակվողական ոճի ֆուտբոլիստներին հեշտ է գոլեր հեղինակել, եթե նրանք կապված չեն պաշտպանության հետ։ Սակայն չեմ նվազեցնի ֆուտբոլիստի արժանիքները։ Նա անընդհատ աճում է, ինչը հաստատում են նրա ելույթները Հայաստանի ազգային հավաքականի կազմում, որտեղ նա իսկական առաջնորդ է երևում։ Մխիթարյանը պրոֆեսիոնալ ֆուտբոլիստ, և ես չեմ ճանաչում այնպիսի մեկին, ով ֆուտբոլիստին հետագա առաջընթաց չի մաղթում»։ Գրոզնինի խոսքերը մեջբերում է sport-express-ը։