Վրաստանի ՆԳՆ աշխատակիցներին մեղադրում են Իվանիշվիլիի գրասենյակը լրտեսելու մեջ
Վերջին լուրեր
Վրաստանի գլխավոր դատախազությունը մեղադրանք է ներկայացրել նոյեմբերի 15-ին ձերբակալված ՆԳՆ բարձրաստիճան պաշտոնյաների վերաբերյալ: Գլխավոր դատախազ Արչիլ Քբիլաշվիլիի խոսքերով՝ ձերբակալվածներին մեղադրում են մասնավորապես «համակարգչային վիրուսի ստեղծման և օգտագործման մեջ, որը հնարավորություն է տվել մուտք ապահովել քաղաքացիների համակարգիչներ, ինչպես նաև իրականացնել ձայնա և տեսաձայնագրումներ. փոխանցում է Newsgeorgia-ն:
Քբիլաշվիլին պնդում է, որ ՆԳՆ սահմանադրական անվտանգության դեպարտամենտում ստեղծվել էր նման մի խումբ, որը տարածել է այդ վիրուսն այն ժամանակ դեռևս ընդդիամադիր «Վրացական երազանք»-ի ներկայացուցիչների համակարգիչների մեջ: Դատախազի խոսքերով՝ այդ վիրուսը հայտնվել է նաև Բիձինա Իվանիշվիլիի շտաբի համակարգիչներում:
Գլխավոր դատախազի խոսքերով՝ վիրուսներն օգտագործվում էին ընդդիմության խոսակցությունները ձայնագրելու և հետագայում վարկաբեկիչ փաստի տեսքով նրանց դեմ օգտագործելու համար:
Գլխավոր դատախազը հայտարարել է, որ հետաքննության տնօրինության տակ հայտնվել են նաև այլ հանցագործ դրվագներ ապացուցող փաստեր:
Ընդհանուր առմամբ՝ հաղորդվում է 12 բարձրաստիճան պաշտոնյաների ձերբակալության մասին:
ՈՒՂԻՂ ԵԹԵՐ
Ամենադիտված 
Մահացել է Երասխի միջնակարգ դպրոցի սան Վահե Մարգարյանը
