Իսրայելն ասել է, թե որ դեպքում կսկսի լայնամասշտաբ ռազմական գործողություններ Գազայում

Իսրայելը չի ցանկանում իրականացնել լայնամասշտաբ ցամաքային գործողություններ Գազայի հատվածում, սակայն պատրաստ է և ստիպված կլինի իրականացնել այն, եթե միայն այս կերպ հնարավոր լինի դադարեցնել Իսրայելի տարածքի հրետանային ռմբակոծություն. այս մասին հայտարարել է Իսրայելի վարչապետի՝ ռուսական մամուլի հետ կապերի խորհրդական Ալեքս Սելսկին։

«Այժմ բնական է, որ Իսրայելը ոչ մի դեպքում չի ցանկանում, որ լայնամասշտաբ գործողություններ սկսվեն»,-ասել նա Интерфакс-ի հետ զրույցում։

«Սակայն անհրաժեշտ է դադարեցնել իսրայելական բնակավայրերի ահաբեկչական գնդակոծությունը, և այս պատճառով, եթե անհրաժեշտ լինի կանգնեցնել ահաբեկիչներին, որոնք կրակում են մեր տարածքների վևա և սպանում են մեր երեխաներին, մեր ծերերին, դա տեղի կունենա»,-մասնավորապես նշել է Սելսկին։

Վերջինիս խոսքերով՝ Իսրայելը շատ բարզ, սակայն կարևոր նապատակ ունի՝ դադարցենել Գազայի հատվածից Իսրայելի տարածքի ռմբակոծությունը։

«Յուրաքանչյուր հանրապետություն կաներ ամեն ինչ, որ պաշտպանի իր ժողովրդին, իր եղբայրներին, ծնողներին։ Դա այն է, ինչ մենք անում ենք։ Ես վստահ եմ, որ այդպես կվարվեր նաև Ռուսաստանը»,-ընդգծել է նա։

«Մենք ոչ մի դեպքում չենք ահաբեկի խաղաղ բնակչությանը։ Մենք ամեն կերպ փորձում ենք գրոհել միայն ահաբեկիչների վրա, սակայն միևնույն ժամանակ ՀԱՄԱՍ-ի ահաբեկիչները թաքնվում են երեխաների հետևում, թաքնվում են դպրոցներում։ Սա չափազանց դժվար է, սակայն մենք անում ենք ամեն ինչ, որ գրոհենք միայն ահաբեկիչների վրա, և կշարունակենք նուն կերպ»,-ասել է Սելսկին։