Սուր շնչառական վարակների համաճարակային իրավիճակը հանգիստ է

Առողջապահության համաշխարհային կազմակերպության տվյալների համաձայն՝ եվրոպական տարածաշրջանում գրիպի և սուր շնչառական վարակների առումով ներկայումս համաճարակային իրավիճակը լարված չէ: Այսօր եվրոպական տարածաշրջանի երկրներում շրջանառում են գրիպի Ա և Բ տեսակները: Վիրուսաբանական հետազոտությունների արդյունքների վերլուծությունը վկայում է, որ հետազոտված դեպքերի 96% -ում արձանագրվում է գրիպի Ա տեսակը:

Նման պատկեր է դիտվում նաև Հայաստանի Հանրապետությունում:

Հայաստանի Հանրապետությունը, ի դեմս Առողջապահության նախարարության, Առողջապահության համաշխարհային կազմակերպության Գրիպի համաշխարհային հսկողության ցանցի (FluNet համակարգչային ցանցի կիրառմամբ) անդամ է:

2010 թվականի հունվարից սկսած յուրաքանչյուր շաբաթ Առողջապահության համաշխարհային կազմակերպություն են ներկայացվում տվյալներ՝ ինչպես սուր շնչառական վիրուսային, գրիպանման հիվանդություններով դեպքերի մոնիտորինգի, այնպես էլ վիրուսաբանական հետազատությունների վերաբերյալ: Յուրաքանչյուր շաբաթ Առողջապահության համաշխարհային կազմակերպության եվրոպական գրասենյակի կողմից եվրոպական տարածաշրջանի 58 երկրի կողմից տրամադրված ամփոփ տվյալներով կազմվում է տեղեկագիր և ներկայացվում երկրներին:

Տեղեկագրի տվյալների համաձայն՝ այսօր եվրոպական տարածաշրջանի երկրներում դիտվում է գրիպի, գիրպանման հիվանդությունների և սուր շնչառական վարակների ցածր ինտենսիվություն:

Նկար 1. եվրոպական տարածաշրջանի երկրներում գրիպի, գիրպանման հիվանդությունների և սուր շնչառական վարակների ցածր ինտենսիվությունը

Եվրոպական տարածաշրջանի և ոչ մի երկիր Առողջապահության համաշխարհային կազմակերպություն չի հայտնել գրիպի գերակշռող վիրուսի մասին, վերջինիս բացակայության պատճառով.

Նկար 2. գրիպի գերակշռող վիրուսի բացակայությունը եվրոպական տարածաշրջանի երկրներում

Ինչ վերաբերում է հանրապետությունում գրիպի և սուր շնչառական վարակների համաճարակային իրավիճակին, ապա պետք է նշել, որ նշված հիվանդությունների առումով իրավիճակը համեմատաբար հանգիստ է: Իրավիճակի գնահատման համար հանրապետությունում իրականացվում է շաբաթական մոնիտորինգ:

Նկար 3. հանրապետությունում գրիպի և սուր շնչառական վարակներով հիվանդացությունը 2010-2011թ.թ., 2012 թ. հունվար հոկտեմբեր ամիսների ընթացքում՝ ըստ 100.000 բնակչի

Համաճարակաբանական վերլուծության արդյունքները վկայում են այն մասին, որ գրիպով և սուր շնչառական վարակներով հիվանդացությունը չի գերազանցում համաճարակաբանական շեմը՝

Նկար 4. հանրապետությունում գրիպի և սուր շնչառական վարակներով համաճարակային շեմը 2005-2011թ.թ., 2012 թ. հունվար հոկտեմբեր ամիսների ընթացքում՝ ըստ 100.000 բնակչի

Առողջապահության համաշխարհային կազմակերպության վերջին նորությունների հիման վրա այսօր հանրապետությունում շարունակվում են գրիպի և սուր շնչառական վարակների դեմ կանխարգելիչ և հակահամաճարակային միջոցառումները, որոնք կանոնակարգվում են ՀՀ առողջապահության նախարարի հրամանով և մի շարք մեթոդական փաստաթղթերով:

Գրիպով չհիվանդանալու կամ սուր շնչառական վարակներից խուսափելու նպատակով ՀՀ առողջապահության նախարարությունը կրկին հիշեցնում է՝

• խուսափե՛ք հիվանդների հետ շփումից,

• եթե հիվանդ եք, ապա մնացե՛ք տանը,

• եթե հիվանդ եք, հրավիրե՛ք տեղամասային մանկաբույժին, թերապևտին կամ ընտանեկան բժշկին,

• մի՛ զբաղվեք ինքնաբուժմամբ

Նկար 5. «Կանխենք գրիպը միասին» հուշաթերթ

• հագնվե՛ք եղանակին համապատասխան,

• պահպանե՛ք հազի և/կամ փռշտալու վարվելակարգը,

• օգտագործե՛ք հնարավորինս շատ հեղուկներ,

• հաճախակի օդափոխե՛ք փակ տարածքները: