Հայ-ուկրաինական միջկառավարական հանձնաժողովի 6-րդ նիստը

Նոյեմբերի 19-ին Երևանում կկայանա տնտեսական համագործակցության հարցերով հայ-ուկրաինական միջկառավարական համատեղ հանձնաժողովի 6-րդ նիստը:

Հանձնաժողովի համանախագահներն են. հայկական կողմից՝ ՀՀ էկոնոմիկայի նախարար Տիգրան Դավթյանը, ուկրաինական կողմից՝ Ուկրաինայի պետական կորպորատիվ իրավունքների և գույքի կառավարման պետական գործակալության նախագահ Դմիտրի Կոլեսնիկովը:

Հանձնաժողովի պլենար նիստը տեղի կունենա Անի Պլազա հյուրանոցի 2-րդ հարկում, Անի սրահում՝ ժամը 14.00-ից 14.40-ը: Նիստի ավարտին՝ ժամը 14.45-ին, նախատեսվում է նիստի ամփոփիչ արձանագրության ստորագրում, որից անմիջապես հետո հանձնաժողովի համանախագահներ Տիգրան Դավթյանը և Դմիտրի Կոլեսնիկովը ճեպազրույց կունենան ԶԼՄ-ների ներկայացուցիչների հետ:

Մինչ նիստի աշխատանքի մեկնարկը ՀՀ էկոնոմիկայի նախարարությունում, ժ. 10.00-ին տեղի կունենա ՀՀ էկոնոմիկայի նախարար Տիգրան Դավթյանի և Ուկրաինայի պետական կորպորատիվ իրավունքների և գույքի կառավարման պետական գործակալության նախագահ Դմիտրի Կոլեսնիկովի հանդիպումը և առանձնազրույցը: