Դիմել է Պաշտպանին սեփականության իրավունքի վերականգման հարցով
Վերջին լուրեր
Սեպտեմբեր ամսին կայացած Հարկադիր էլեկտրոնային աճուրդում քաղաքացին ձեռք է բերել բնակարան: Օրենքով սահմանված կարգով գրանցել է իր սեփականության իրավունքը և դարձել այդ բնակարանի օրինական սեփականատեր:
Սակայն մինչ օրս քաղաքացին չի կարողանում իրականացնել սեփականության իրավունքի բաղկացուցիչ երկու կարևոր իրավազորությունները' բնակարանի տիրապետումն ու օգտագործումը, քանի որ ԴԱՀԿ ապահովող ծառայությունը հարկադիր էլեկտրոնային աճուրդով օտարած բնակարանից չի ապահովում նախկին սեփականատերերի վտարումը:
Բնակարանի նոր սեփականատերը նոյեմբերի 1-ին վտարման օր նշանակելու պահանջով կրկին դիմել է ԴԱՀԿ ծառայություն, որտեղից նրան բանավոր տեղեկացրել են, որ նա պետք է վճարի 600 000 դրամ և պետք է ապահովի նախկին սեփականատերերի գույքի պահատվությունը, այսինքն' տարածք գտնի գույքի համար:
Երեկ քաղաքացին այս բովանդակությամբ դիմում է ներկայացրել Պաշտպանին և խնդրել նրա միջնորդությունը իր իրավունքների վերականգման հարցում:
Քաղաքացու բողոքի կապակցությամբ Պաշտպանի կողմից գրություն կուղարկվի Արդարադատության նախարարություն:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
