«Հարավային հոսք» նախագծի վերջին երկիրն էլ միացավ Կամ Ռուսաստանն ու Բուլղարիան համաձայնության եկան «Հարավային հոսքի» շուրջ (տեսանյութ)

Ռուսաստանը և Բուլղարիան համաձայնություն են ձեռք բերել «Հարավայի հոսքի» գազի խողովակաշարերի կառուցման հարցում այս նախագծի վերջին ներկայացուցչի' Բուլղարիայի հետ' ռուսական գազը հասցնելով Եվրոպա Սև ծովի տակով, հաղորդում է euronews-ը: Սոֆիայում վավերացվել է ներդրումային ծրագրի վերջնական որոշման վերաբերյալ արձանագրությունը:

Նշենք, որ գազամուղի շինարարությունը, որի երկարությունը կազմում է 3600 կմ, իսկ հզորությունը՝ 63 մլրդ խմ, կմեկնարկի սույն թվականի դեպտեմբերի 7-ին:

Ծրագրով նախատեսվում է, որ այն Անապայից Սև ծովի հատակով կանցնի Թուրքիա, որի ջրային տարածքով դուրս կգա Բուլղարիա: Այնուհետև Սերբիայի, Հունգարիայի և Սլովենիայի տարածքով այն կհասնի հյուսիսիտալական Տարվիսիո քաղաք:

Գազամուղը, հնարավոր է, ճյուղավորումներ կստանա դեպի Բոսնիա և Հերցեգովինա և Խորվաթիա: Հարավ-արևմտյան ճյուղը նախատեսվում է անցկացնել Հունաստանի տարածքով, որտեղից այն կանցնի Իտալիայի հարավ:

«Հյուսիսային հոսք» քույր ծրագրին համանման՝ այս գազամուղը ևս հետապնդում է ռուսական գազը դեպի եվրոպական երկրներ առանց միջնորդ-մատակարարների հասցնելը:

Հիշեցնենք, որ այսօր ռուսական գազի՝ դեպի Եվրոպա մատակարարման հիմնական ուղի է հանդիսացել Ուկրաինայի տարածքը: Եվ, փաստորեն, «Հարավային» և «Հյուսիսային» հոսքերի կառուցումը կհանդիսանա Ուկրաինայի՝ տարանցիկ այդ դերի խաթարման կարևորագույն խոչընդոտ: Չի բացառվում, որ Բուլղարիայի համաձայնությունը դառնա ռուս-ուկրաինական հարաբերությունների հերթական սրման առիթ:

Հավելենք, որ «Հարավային հոսք» նախագծի 50%-ը պատկանում է ռուսական «Գազպրոմին», 20%-ը՝ իտալական նավթային ENI ընկերությանը և վերջապես 15%-ական EDF-ին և գերմանական BASF-ին:

Բուլղարական հատվածի երկարությունը լինելու է 540 կմ և արժենալու է 540 մլրդ եվրո: