WhatsApp-ում նոր գործառույթ է ավելացել
ԲլոգոսֆերաWhatsApp-ի հեղինակները, ցանկանալով հեշտացնել մեսենջերում սթիքերների ստեղծումը, տարբերակներից մեկում ավելացրել են գործառույթ, որը նախատեսված է անմիջապես չատում գտնվող լուսանկարից սթիքեր ստեղծելու համար, հայտնում է WABetaInfo պորտալը։
Ըստ աղբյուրի՝ WhatsApp-ի Android-ի 2.24.6.5 կոդային համարով Beta տարբերակում հայտնաբերվել է սթիքերների խմբագրիչ, որը թույլ է տալիս ցանկացած պատկեր վերածել սթիքերի։
Դա անելու համար պարզապես պետք է բացել լուսանկարը, սեղմել «Պարամետրեր» հրահանգը, որը նման է երեք ուղղահայաց կետերի, ապա բացվող ընտրացանկից ընտրել «Ստեղծել սթիքեր» հրահանգը: Օգտատիրոջը կառաջարկվի անմիջապես պահպանել սթիքերը կամ խմբագրել այն, որից հետո այն կարող է ուղարկել ցանկացած չատում։
Ըստ WABetaInfo-ի՝ այսպիսի մոտեցումը մեծապես կհեշտացնի և կարագացնի սթիքերների ստեղծումը։
Նախկինում այս գործառույթը հասանելի էր միայն WhatsApp-ի iOS-ի օգտատերերին: Այժմ այն կարող է օգտագործվել նաև Android-ում:
Առայժմ հայտնի չէ, թե բոլոր հարթակներում աշխատող սթիքերների խմբագրիչով մեսենջերի ամբողջական տարբերակը երբ կթողարկվի։