Տղամարդը քաղցած լինելու շնորհիվ մեկ միլիոն դոլար է շահել

ԱՄՆ-ում տղամարդը քաղցած լինելու շնորհիվ վիճակախաղով շահել է մեկ միլիոն դոլար։ Այս մասին հայտնում է North Carolina Education Lottery կայքը։

 Հյուսիսային Կարոլինա նահանգի Լինքոլնթոն քաղաքից Ֆրանկլին Բրեյսին գնել է երջանիկ տոմսը ուրբաթ՝ մարտի 22-ի երեկոյան: Տղամարդը մեքենայով անցելիս է եղել բենզալցակայաններից մեկի մոտով և որոշել է հոթ-դոգ գնել այնտեղից: Դրա հետ մեկտեղ նա նաև 10 դոլարով 50X The Cash խաղարկության տոմս է գնել։

Բրեյսին նստել է մեքենան, ստուգել տոմսը և հարստացել մեկ միլիոնով։ «Ես ուղղակի շոկի մեջ էի։ Մեքենայում ստուգեցի տոմսը, և առաջին միտքս սա էր՝ «Չի կարող պատահել»»,- իր հաճելի հիշողություններով կիսվել է ամերիկացին։ Նա նաև նշել է, որ նախկինում վիճակախաղով 100 դոլարից ավելի երբեք չի շահել:

Բրեյսին որոշել է միանգամից վերցնել շահումը եւ ստացել է 600 հազար դոլար։ Ամբողջ գումարը ստանալու համար Բրեյսին պետք է համաձայներ տարեկան վճարել 50,000 դոլար 20 տարվա ընթացքում: