Հիմա էլ եմ հայտարարում՝ Հայաստանը սառեցրել է իր մասնակցությունը ՀԱՊԿ–ին․ Սիմոնյան
Արտաքին Քաղաքական
Հայկական կողմին առաջարկ է եղել միանալ ՀԱՊԿ անդամ պետությունների խորհրդարանական պատվիրակությունների համատեղ հայտարարությանն ու դատապարտել Մոսկվայի «Կրոկուս Սիթի Հոլում» տեղի ունեցած ահաբեկչությունը, սակայն Հայաստանը մերժել է առաջարկը։ ՀՀ-ն սառեցրել է իր անդամակցությունը ՀԱՊԿ-ում։
«Մենք առաջիններից էինք, որ ցավակցեցինք և դատապարտեցինք տեղի ունեցածը, բայց տանել մեզ մտցնել ՀԱՊԿ-ի ֆորմատում և ինչ-որ բան անել, մենք պատրաստ չենք, որովհետև մենք սառեցրել ենք մեր հարաբերությունները։ Բան ենք ասել, դա քաղաքական հայտարարություն է, քաղաքական մարմին է։ Չի լինի մի քիչ սառեցնես, հետո՝ տաքացնես։ Հիմա էլ եմ հայտարարում՝ Հայաստանի Հանրապետությունը սառեցրել է իր մասնակցությունն այդ կազմակերպությանը, մինչև հասկանանք, թե այդ կազմակերպությունը կա՞, չկա՞, գործո՞ւմ է, դուրս է գալիս մեր տարածաշրջանից, պատրաստվո՞ւմ է գոնե զանգ կատարել ադրբեջանական կողմին և ասել Ջերմուկի մոտ զորքերը դա ՀԱՊԿ-ի տարածք է»,- Պետրոս Ղազարյանի հետ «Հարցազրույց»-ում ասաց Սիմոնյանը։
Դա անելու համար, ըստ ԱԺ նախագահի, պետք չէ գալ, հասնել Հայաստան։
«Այսինքն մի հատ էլ պետք է գան, նայեն տեսնեն դա Ջերմուկի տարածքն է, թե Ջերմուկի տարածք չէ՞»,- ասաց Սիմոնյանը։
ՈՒՂԻՂ ԵԹԵՐ
Ամենադիտված 
Էլիզ Մելիքյանը մայրիկի հետ լուսանկար է հրապարակել
