«ԵՄ-Հայաստան-ԱՄՆ համատեղ համաժողովը կարող է դրդել Հայաստանին նոր սադրանքների». Բայրամով
Արտաքին Քաղաքական
Ադրբեջանի արտաքին գործերի նախարար Ջեյհուն Բայրամովն ընդունել է Ռուսաստանի Դաշնության արտաքին գործերի նախարարության հատուկ նշանակության դեսպան Պավել Կնյազևին։
Ինչպես APA-ին հայտնել են Ադրբեջանի ԱԳՆ-ից, հանդիպմանը քննարկվել են Ադրբեջանի և Ռուսաստանի միջև երկկողմ և բազմակողմ համագործակցության օրակարգային հարցեր, ինչպես նաև տարածաշրջանում տիրող իրավիճակը։
Բայրամովը նշել է, թե «մի շարք քայլեր, որոնք նոր մարտահրավերներ են ստեղծում խաղաղ գործընթացի առաջխաղացման համար, այդ թվում՝ տարածաշրջանից հեռու գտնվող երկրների փորձերը և նրանց միակողմանի դիրքորոշումը տարածաշրջանում նախագծելը, դանդաղեցնում են այդ գործընթացը»։
Հանդիպման ընթացքում Բայրամովը հայտարարել է, թե «ԵՄ-Հայաստան-ԱՄՆ համատեղ համաժողովը կարող է դրդել Հայաստանին նոր սադրանքների», ինչպես նաև պնդել է, թե Հայաստանում «գերակշռում են ռեւանշիստական տրամադրությունները»։
Նշվել է, որ «չնայած առկա դժվարություններին և մարտահրավերներին, Ադրբեջանը վճռական է շարունակել աշխատանքը տարածաշրջանային խաղաղության և կայունության ապահովման ուղղությամբ»։
Հանդիպման ընթացքում մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
