Հայաստանին գումար չեն տալու «Խաղաղության եվրոպական հիմնադրամից»․ ՌԴ ԱԳՆ
Արտաքին Քաղաքական
ՌԴ ԱԳՆ-ն, մեկնաբանելով «Հայաստանի բարեկամների ցանց» խմբի զեկույցի դրույթները, կարծում է, որ Երևանին հասանելի չեն լինի «Խաղաղության եվրոպական հիմնադրամի» միջոցները, բյուջեի մեծ մասն ուղղվում է Ուկրաինային։
«ՌԻԱ Նովոստիի» հետ զրույցում ՌԴ ԱԳՆ-ից նշել են, որ «եթե Երևանում ակնկալում են հասանելություն ստանալ «Խաղաղության եվրոպական հիմնադրամի» միջոցներին, ուրեմն նրանք խորապես սխալվում են։ ԵՄ այս գործիքը գրեթե ամբողջությամբ սեփականաշնորհված է Ուկրաինայի կողմից»։
ՌԴ ԱԳՆ-ն կարծում է, որ «Հայաստանը ստիպված երկար տարիներ կկանգնի երկար հերթի մեջ՝ գոնե մի նվազագույն բան ստանալու համար՝ ընդ որում մերկացնելով սեփական անվտանգությունը ծառացած մարտահրավերների առջև»։
«Նման անպատասխանատու քայլերը կարող են լրացուցիչ անկայունություն առաջացնել տարածաշրջանում»,- վստահ են ՌԴ ԱԳՆ–ում։
ՌԴ ԱԳՆ-ից ընդգծել են, որ «Եվրամիությունը և ՆԱՏՕ-ն թքած ունեն Հայաստանի ու նրա քաղաքացիների իրական կարիքների վրա»։
«Հայաստանին այդ շինարարություններում վերապահված է բացառապես Բրյուսելի և Վաշինգտոնի պատվերներ կատարողի դերը»,- եզրափակել է ՌԴ ԱԳՆ-ից։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
