Շվարցենեգերը խոստացել է վիրահատությունից հետո վերադառնալ նկարահանումներին

Դերասան, «Տերմինատոր»-ի աստղ Առնոլդ Շվարցենեգերը սրտի նոր վիրահատությունից հետո առաջին անգամ լուսանկար է հրապարակել։ Նա կադրը տեղադրել է Instagram-ում։

Շվարցենեգերը հայտնել է, որ շուտով կնկարահանվի նոր ֆիլմում։ Ապրիլին արտիստը կվերադառնա «Ֆուբար» սերիալի վրա աշխատանքին։

«Շատերն են հարցրել, թե արդյոք իմ կարդիստիմուլյատորը խնդիրներ կառաջացնի  «Ֆուբար»-ի երկրորդ սեզոնի վրա աշխատելիս: Միանշանակ ոչ»,- վստահեցրել է նա։

Ավելի վաղ Շվարցենեգերն ասել էր, որ վիրահատության է ենթարկվել։