Վրաստանի պաշտպանության նախարարը խորհուրդ է տալիս Ռուսաստանին փոխել հռետորությունը

Վրաստանի պաշտպանության նախարար Իրակլի Ալասանիան կոչ է անում Ռուսաստանին փոխել հռետորությունը: «Վատ չէր լինի, եթե ռուսական կողմը պատասխան քայլերով արձագանքեր Վրաստանի նոր կառավության առաջարկներին»,-ասել է Ալասանիան՝ մեկնաբանելով Ռուսաստանի արտգործնախարար Սերգեյ Լավրովի հայտարարությունը. գրում է Грузия Online-ը:

Նշենք, որ Լավրովը հայտարարել է, թե Ռուսաստանը Վրաստանից կոնկրետ քայլեր է սպասում: Մասնավորապես, նրա խոսքերով, ցանկանալով բարելավել հարաբերությունները Ռուսաստանի հետ, Վրաստանը միևնույն ժամանակ առաջվա նման Աբխազիան և Հարավային Օսիան անվանում է օկուպացված տարածքներ: «Անձամբ ինձ Լավրովը ոչինչ չի ասել: Ես կցանկանաի, որ Ռուսաստանի պատասխան քայլերը և հռետորությունն առավել ադեկվատ լինեին Վրաստանի նոր կառավարության դրական ազդակներին:

Նման ազդակներից մեկը Ռուսատսանի հետ հարաբերությունների հարցով հատուկ ներկայացուցչի նշանակումն էր, որին նորմալ պետությունը պետք է նորմալ պատասխան տա»,-նշել է Ալասանիան:

Նա նաև ընդգծել է, որ պատրանքներ չի տածում այն կապակցությամբ, որ Ռուսաստանում քաղաքական իրավիճակը մոտ ժամանակում կարող է փոխվել: