Ռուսաստանը պատրաստ է քննարկել Վրաստանի հետ ավիահաղորդակցության վերականգման հարցը. Լավրով

Ռուսական կողմը պատաստ է քննարկել Վրաստանի հետ ավիահաղորդկացության վերականգման հարցը. այս մասին հայտարարել է Ռուսաստանի արտաքին գործերի նախարար Սերգեյ Լավրովը: Հաղորդում է ВЗГЛЯД թերթը:

«Քչերը գիտեն, որ մեզ մոտ արդեն երկու տարի է` վերականգնվել է չարթերային ավիահաղորդկացությունը: Վերջերս չարթերային չվերթների քանակն ավելացել էր, մենք պատրաստ ենք քննարկել կանոնավոր ավիահաղորդակցության վերականգման հարցը»,-ասել է Լավրովը:

Հիշեցնենք, որ կանոնավոր ուղիղ ավիահաղորդակցությունը Ռուսաստանի և Վրաստանի միջև դադարեցվել էր 2006 թվականին երկու երկրների միջև հարաբերությունների սրման պատճառով, որոշ ժամանակով վերականգնվել է 2008-ին, ապա` կրկին դադարեցվել 2008 թվականի դեպքերից հետո:

Լավրովը նաև հավելել է, որ Ռուսաստանը պատրաստ է վերսկսել Վրաստանից գյուղատնտեսական այն ապրանքների մատակարարումը, որոնց վրա արգելք էր կիրառվել 2006 թվականի գարնանը: