Վրաստանը մերժել է ԱՊՀ վերադառնալու Լուկաշենկոյի խնդրանքը

Վրաստանն ընտրել է իր արտաքին քաղաքական ուղին և մտադիր չէ վերադառնալ ԱՊՀ. այս մասին հայտարարել է Վրաստանի արտաքին գերտերության ղեկավար Մայա Պնջիկիձեն՝ մեկնաբանելով Բելառուսի նախագահ Ալեքսանդր Լուկաշենկոյի՝ Թբիլիսիում արված հայտարարությունը:

Ինչպես հաղորդում էր ВЗГЛЯД-ը, ավելի վաղ Լուկաշենկոն հայտարարել էր, որ ճանաչում է Վրաստանի ամբողջականությունը, ընդ որում, Ռուսաստանի հետ միասին Լուկաշենկոն կոչ էր արել Վրաստանի ղեկավարությանը սևեռել ուշադրությունն Աբխազիայի և Հարավային Օսիայի հետ հարաբերությունների վրա:

Լուկաշենկոն հայտարարել է, որ Մինսկը և Մոսկվան հանդես են գալիս Վրաստանի ամբողջականության կողմ. «Սակայն դրան պետք է հասնել: Առանց Սաակաշվիլիի, Իվանիշվիլիի, Հարավային Օսիայի և Աբխազիայի դիրքորոշման դուք այս հարցը չեք լուծի»,-ասել է Լուկաշենկոն:

«Ռուսաստանին իր հողերը բավական են: Նրան ո՛չ Հարավային Օսիան, ո՛չ էլ Աբխազիան պետք չեն»,–ասել է նա: Լուկաշենկոն նաև պատրաստակամություն է հայտնել ծնկի գալ Վրաստանի առջև, միայն թող վրացիները վերադառնան ԱՊՀ: «Ես կխնդրեմ ձեզ մտնել ԱՊՀ-ի կազմ, դուք ոչինչ չեք կորցնի, և Ռուսաստանը միայն կողմ կլինի»:

«Ահա հունվարի 1-ից Բելառուսը կլինի նախագահող երկիր ԱՊՀ-ում, մենք ձեզ սպասում ենք (Վրաստանին): Ես կգամ այստեղ, ծնկի կգամ՝ իհարկե, ոչ հրապարակավ, բայց եթե ցանկանաք, հանուն դրա՝ նաև հրապարակավ, և կխնդրեմ վերադառնալ ԱՊՀ»,-ասել է Լուկաշենկոն: