Գործարար Կարեն Գասպարյանի մահվան դեպքի առիթվ քրվարույթ է նախաձեռնվել

Գործարար Կարեն Գասպարյանի՝ «Բրավոյի Կարենի» մահվան դեպքի առթիվ նախաձեռնվել է քրեական վարույթ։

ՀՀ ՔԿ–ից լրատվամիջոցներին հայտնել են, որ դեպքի առթիվ նախաձեռնվել է քրվարույթ՝ Քրեական օրենսգրքի 162–րդ հոդվածի 1–ին մասով (ինքնասպանության հասցնելը) և 335–րդ հոդվածի 1–ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)։

«Նշանակվել են դատաբժշկական, դատաձգաբանական փորձաքննություններ։  Կատարվում է նախաքննություն»,- նշել են ՔԿ-ից։

Հիշեցնենք, որ օգոստոսի 18-ին րևանի Դեմիրճյան փողոցում հայտնաբերվել է գործարար Կարեն Գասպարյանի դին (հայտնի է Բրավոյի Կարեն անունով):  Ոստիկանությունից հաղորդել էին, որ  ժամը 17:37-ին Արաբկիրի համայնքային բաժնում Ոստիկանության օպերատիվ կառավարման կենտրոնից հաղորդում է ստացվել այն մասին, որ մի տղամարդ զանգահարել է ոստիկանություն և հայտնել, որ Դեմիրճյան 1 հասցեի ավտոկայանատեղիում տղամարդու դի կա, ձեռքին՝ ատրճանակ: Ահազանգի հետքով դեպքի վայր այցելած իրավապահները մեքենայի սրահում հայտնաբերել են տղամարդու՝ քթից ու ականջներից արնահոսող դին:

Պարզվել է, որ տղամարդը 1976 թվականին ծնված, Երևանի բնակիչ Կարեն Էդուարդի Գասպարյանն է: