Համացանցում տարածվել է անմարդկային տեսարանով տեսանյութ․ ենթադրյալ հանցանքը կատարած անձը հայտնաբերվել է
Իրավունք
Օգոստոսի 18-ին օգտատերերից մեկը «Facebook» սոցկայքում տեսանյութ էր հրապարակել, որում պատկերված էր մի տղամարդու նկատմամբ առերևույթ հանցավոր ոտնձգություն։ Այս մասին հայտնել է ՆԳՆ հանրային հաղորդակցության և իրազեկման վարչության պետի տեղակալ Մարտուն Սիմոնյանը։
«Հրապարակման կապակցությամբ Քրեական ոստիկանության Շիրակի մարզային վարչության ծառայողները ձեռնարկել են անհրաժեշտ միջոցառումներ՝ նույն օրը հայտնաբերելով և՛ ենթադրյալ տուժողին, և՛ ենթադրյալ հանցանքը կատարած անձին։
Դեպքի առթիվ կազմված փաստաթղթերը ներկայացվել են տարածքային նախաքննական մարմնին, որտեղ նախաձեռնվել է քրեական վարույթ»,– հայտնել է նա։
Նշենք, որ դեպքի մասին ահազանգել է նաև լրագրող Նարեկ Կիրակոսյանը՝ գրելով․ «Համացանցում տարածվել է մի անմարդկային տեսարանով տեսանյութ, որտեղ ինչ-որ մեկը տղայի գլուխը սեղմել է մեքենայի ապակու տակ, խեղդում է և հրճվում»։
ՀՀ Քննչական կոմիտեից Euromedia24.com-ին հայտնել են․ «Դեպքի առթիվ նախաձեռնվել է քրեական վարույթ՝ Քրեական օրենսգրքի 196-րդ հոդվածի 1-ին մասով (ֆիզիկական ուժեղ ցավ կամ հոգեկան ուժեղ տառապանք պատճառելը)։ Նշանակվել է դատաբժշկական փորձաքննություն։ Կատարվում է նախաքննություն»։
ՈՒՂԻՂ ԵԹԵՐ
Ամենադիտված 
Երկար ժամանակ ջուր չի լինի. հասցեներ
