Դաժան կադրերը քննության առարկա դարձան․ նշանակվել է դատաբժշկական փորձաքննություն
Իրավունք
Սոցցանցում հրապարակվել էր դաժան մի տեսանյութ, որտեղ երիտասարդի գլուխը սեղմում են մեքենայի ապակու տակ՝ խեղդելով և հրճվելով այդ գործողությունից։
Նման տեսարաններ վերջին շրջանում հաճախ են տարածվում հատկապես TikTok հարթակում․ հասարակությունը բազմիցս ականատես է լինում, որ այսպիսի կադրերը միտումնավոր նկարահանվում են դիտումներ հավաքելու նպատակով կամ անգամ ուղիղ եթերների ժամանակ՝ տարբեր խաղերում պարտվելու հետևանքով։
Սակայն իրավապահ մարմինները արձագանքել են միջադեպին։ Euromedia 24-ի հետ զրույցում Քննչական կոմիտեից հայտնեցին, որ հրապարակման կապակցությամբ Քրեական ոստիկանության Շիրակի մարզային վարչության ծառայողները ձեռնարկել են անհրաժեշտ միջոցառումներ և նույն օրը հայտնաբերել են թե՛ ենթադրյալ տուժողին, թե՛ ենթադրյալ հանցանքը կատարած անձին։
Դեպքի առթիվ նախաձեռնվել է քրեական վարույթ՝ ՀՀ Քրեական օրենսգրքի 196-րդ հոդվածի 1-ին մասով (ֆիզիկական ուժեղ ցավ կամ հոգեկան ուժեղ տառապանք պատճառելը)։ Նշանակվել է դատաբժշկական փորձաքննություն, նախաքննությունը շարունակվում է։
Մանե Գևորգյան
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
