Արթուր Սարգսյանի կալանքը 3 ամսով երկարաձգվեց
Իրավունք
Դատավոր Կարեն Ֆարխոյանը 3 ամսով երկարաձգեց «Հայաստան» խմբակցության պատգամավոր Արթուր Սարգսյանի նախնական կալանքը:
«Արթուր Սարգսյանի խափանման միջոց կալանքը կերարաձգվի երեք ամիս ժամկետով՝ մինչև 2025-ի դեկտեմբերի 8-ը․ սույն որոշումը ստանալուն պես կարող եք տասնօրյա ժամկետում բողոքարկել Վերաքննիչ քրեական դատարանում»,- հայտարարեց նախագահող դատավոր Կարեն Ֆարխոյանը։
Հիշեցնենք, որ փաստաբանները բոյկոտել են Բագրատ Սրբազանի և նրա 17 կողմնակիցների գործով դատական նիստը:
«Բոլոր փաստաբաններն, ամբողջ պաշտպանական թիմը հիմա գտնվում է այստեղ, առանց որևէ բացակայության, բայց մենք միակամ որոշել ենք, առնվազն այսօր ներկա չգտնվել դատական նիստին: Սրանով արտահայտել մեր բողոքն ընդդեմ դատական իշխանության, նախագահող դատավորի, որովհետև պաշտպանական կողմը կարծում է, որ այօսր չի իրականացվելու արդարադատություն, չկա օրենքի հիման վրա ստեղծված դատարան և դատավոր»,- ասել է պաշտպան Վահան Հովհաննիսյանը։
Հիշեցնենք՝ Քննչական կոմիտեն հայտնել էր, որ շարժման ղեկավարներից ու մասնակիցներից 18 անձի նկատմամբ հարուցվել է հանրային քրեական հետապնդում՝ Քրեական օրենսգրքի 43-308-րդ հոդվածի 1-ին մասով (ահաբեկչության նախապատրաստություն) և 43-419-րդ հոդվածի 1-ին մասով (իշխանությունը յուրացնելու նախապատրաստություն):
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
