Միքայել Սրբազանին մինչև ընտրությունները փակի տակ են պահելու․ պաշտպան

Միքայել Սրբազանին մինչև ընտրությունները փակի տակ են պահելու․ պաշտպանների կանխատեսումը, դատական նիստից հետո լրագրողների հետ զրույցում ասաց պաշտպան Արա Զոհրաբյանը։

«Եթե մարդը կոչ չի արել, բայց ասում են՝ արել ես քրեորեն արգելված կոչ։ Կոչն անում են կա՛մ ներկայով, կա՛մ ապագայով, չես կարող կոչն անցյալով անել, իսկ Սրբազանը խոսել է անցյալի մասին։ Այս պայմաններում, երբ ակնհայտ անմեղ մարդուն մեղավոր են ճանաչում, այստեղ չի կարելի սպասել արդարադատություն այս դատավորից։ Դատավորը, երբ սկսեց խոսել իր երերուն ձայնով, ակնհայտ էր, որ այդ մեղադրական վերդիկտ է կայացնելու»,– ասաց Զոհրաբյանը։

Նա նշեց, որ վերդիկտից հետո կայացվելու է դատավճիռ, պաշտպանները բողոքարկելու են այն։