Առնոլդ Ստեփանյան. Նոր բլոկերի մասին ինֆորմացիան ցանկալի է, որ հասանելի լինի նաև հարևան պետություններին

«Բազմազգ Վրաստան» քաղաքացիական շարժման նախագահ Առնոլդ Ստեփանյանը, Լուրեր.com-ի հետ զրույցում անդրադառնալով շրջանառվող լուրերին, ըստ որոնց վերջինս դեմ է Մեծամորի ատոմակայանի կառուցմանն, ասաց.

«Հարցազրույցը, որ հրապարակվել էր դուրս է համատեքստից: Ինձ չէին հարցրել Մեծամորի ատոմակայանի վերաբերյալ, ինձ հարցրել էին նոր բլոկի կառուցման մասին: Ես կարծում եմ, որ բլոկի կառուցման վերաբերյալ առաջինն անհրաժեշտ է ուսումնասիրել հասարակության կարծիքը, և երկրորդը, որը պակաս կարևոր չէ, պետք է նաև հաշվի առնել հարևան երկրների տեսակետը նման որոշում ընդունելիս»,- ասաց Ստեփանյանը:

Վերջինս նշեց, որ հարցը եղել է ադրբեջանցի լրագրողի կողմից, որին ի պատասխան ինքն ասել է, որ առաջին հերթին պետք է հաշվի նստել ՀՀ կառավարության և ժողովրդի կարծիքի հետ:

«Չնայած այս ամենին, քանի որ հարցը վերաբերում է նաև ամբողջ տարածաշրջանի անվտանգությանը, որը սեյսմիկ առումով անկայուն է և վտանգավոր, ապա նոր բլոկերի մասին ինֆորմացիան ցանկալի է, որ հասանելի լինի նաև հարևան բոլոր պետություններին, որոնք կառուցողական իմաստով անշուշտ հետաքրքրված են դրանում: Նրանք այդ հարցում պետք է տեղեկացված լինեն և պետք է տեղի ունենա քննարկում: Սա էր իմ ասելիքը, սակայն հայկական լրատվամիջողցներում այն ընալվել է՝ իբրև ես դեմ եմ նոր բլոկի կառուցմանը: Ես դեմ եմ ատոմային էներգիայի օգտագործմանը, սակայն այլընտրանքի բացակայության դեպքում, իհարկե, դրա օգտագործումը պետք է, բայց անհրաժեշտ է հատուկ վերահսկողություն կառավարության կողմից: