Ռուսաստանն ամրապնդում է Հայաստանում իր ռազմական ներկայությունը

Ռուսաստանն ավելացնում է իր ռազմական խմբավորումների և զինված ուժերի ռազմական ներուժը Հարավային Կովկասում`հատուկ ուշադրության արժանացնելով Հայաստանին։ Այս մասին հայտնում է Независимая газета պարբերականը։

Ռուսաստանի կառավարությունը Վլադիմիր Պուտինի հրամանով արագորեն պատրաստում է պայմանագիր Հայաստանի հետ ռազմատեխնիկական համագործակցության զարգացման նպատակով։ Իսկ Պաշտպանության նախարարությունը հունվարի 15-ին կատարել էր Գյումրիի 102-րդ ռազմաբազայի պայմանագրային ծառայողների համալրում։ Կես տարվա ընթացքում նրանց թիվը կրկնապատկվել էր՝ հասնելով 5 հազարի։

Փաստացիորեն Հայաստանում տեղակայված բոլոր ռազամական ջոկատները, այդ թվում՝ ռազմաօդային, հակաօդային ուժերը, արդեն համալրվել են մասնագետներով։ Սա նշանակալիորեն կրճատում է տարվա ընթացքում երկու անգամ զինվորներ ուղարկելու ծախսերը։ Սակայն սա միակ դրդապատճառը չէ ռազմական ներուժի բարձրացման համար։

Ռազմական փորձագետները նշում են, որ 102-րդ ռազմաբազայի ընդարձակումը կապված է տարածաշրջանում գեոքաղաքական իրավիճակի կտրուկ փոփոխությունների հետ, ինչը սպառնալիք է թե՛ Ռուսաստանի, թե՛ իր դաշնակիցների համար։ Այս սցենարները կապված են Լեռնային Ղարաբաղի հակամարտության հարցի շուրջ Ադրբեջանի՝ Հայաստանի դեմ հավանական պատերազմի և Իրանի դեմ Իսրայելի հնարավոր ռազմական գործողությունների հետ։

Այդպիսի սցենարներ փորձագետների կողմից նշվել էին նաև նախկինում։ Այսպես, 2012 թվականի սեպտեմբերին Հայաստանում անցկացվեցին զորավարժություններ ՀԱՊԿ «Համագործակցություն 2012» ծրագրի շրջանակներում։

«Արդյոք ռուսական խմբավորումները կմասնակցե՞ն Հայաստանի դեմ հնարավոր ռազմական գործողություններին հարցին ռազմական փորձագետ գեներալ-լեյտենանտ Յուրի Նետկաչովը նշել էր, որ մեր ռազմաբազան պետք է ռազմական պատրաստականության մեջ գտնվի այդ թվում նաև խաղաղապահ գործողությունների մասնակցելու նպատակով»։

Որպես իր խոսքերի ապացույց փորձագետը նշում է վերջերս հունվարի 15-ին կառավարության նիստի ժամանակ Ադրբեջանի նախագահ Իլհամ Ալիևը հայտարարությունը, որտեղ նշվել էր, որ քանի դեռ շարունակվում է Լեռնային ղարաբաղի հակամարտությունը Ադրբեջանը կօգտագործի իր բոլոր միջոցները Հայաստանի վրա ազդեցություն գործելու համար և կօգտագործի իր բոլոր միջոցները այդ թվում նաև ռազամական միջոցները։ Փորձագետը չի բացառում ռազմական գործողությունների հավանականությունը, քանի որ Ադրբեջանի ռազմական բյուջեն հասնում է 3.7 մլրդ դոլարի, որը մի քանի անգամ գերազանցում է Հայաստանի ընդհանուր բյուջեն։

Ռուսաստանը նաև միտված է Հայաստանի հետ ակտիվացնել ռազմատեխնիկական համագործակցությունը։ Հայաստանը Ռուսաստանի օգնությամբ պետք է ընդարձակի զինամթերքի, զրահապատ տրանսպորտային միջոցների արտադրությունը, նաև ստեղծի տեղական վերնորոգման բազա։ Համապատասխան պայմանագիր Արթուր Բաղդասարյանի և Նիկոլայ Պատրուշևի միջև պայմանագիրը ստորագրվել էր 2012 թվականի փետրվարի 9-ին։

Մեկնաբանալով Հայաստանի հետ հնարավոր ռազմատեխնիկական պայմանագրի ստորագրումը՝ ռազմավարության և տեխնոլոգիայի վերլուծության կենտրոնի տնօրեն Ռուսլան Պուխովը նշել է.« Մինչև վերջերս տարօրինակ իրավիճակ էր ստեղծվել. մեր դաշնակիցը Հայաստանն էր, սակայն մենք զենք էինք մատակարարում Ադրբեջանին։ Հուսով ենք, որ պայմանագրի օգնությամբ այս անհեթեթությունը կուղղվի»։ Պուխովը նաև ավելացրել է, որ Ադրբեջանը միշտ չէ, որ բարեկամական հարաբերությունների մեջ է Ռուսաստանի հետ։ Մենք գիտենք մասնավորապես, որ Ադրբեջանը հրաժարվեց Գաբալայի պայմանագրից, և մենք այժմ ստիպված ենք որոնել ալտերնատիվ տարբերակ»։ Պուխովի կարծիքով, լավացնելով հաբարերությունները Հայաստանի հետ, Ռուսաստանը պաշտպանում է իր շահերը Հարավային Կովկասում։