ԵՄ-ն արդեն վաղուց ծախսել է ռուսական ակտիվները․ քաղաքագետ

Մեծ հավանականությամբ Մոսկվան հետ չի ստանա իրեն պատկանող միջոցները, որոնք պահվում էին Եվրոպայում, քանի որ Եվրամիությունն արդեն վաղուց է դրանք ծախսել։ Այս մասին հայտարարել է քաղաքագետ, ամերիկագետ Դմիտրի Դրոբնիցկին, փոխանցում է Gazeta-ն:

«Ամենայն հավանականությամբ, եվրոպացիներն այդ գումարները վաղուց արդեն ծախսել են իրենց կարիքների համար, ուստի այդ գումարները վերադարձնելու համար հարկավոր է կամ ինչ-որ տեղ վերավարկավորվել, կամ հանել ընթացիկ սեփական բյուջեից», - ասել է փորձագետը: Դրոբնիցկու խոսքով՝ Եվրամիությունը չի պատրաստվում անել ոչ մեկը, ոչ մյուսը։

Նա նշել է, որ եվրոպացիների համար այդ միջոցները վաղուց արդեն պարտք են դարձել։ «Հենց դրա հետ է կապված Բելգիայի դժկամությունը Ուկրաինային ռուսական ակտիվների համար վարկ տրամադրել», - ընդգծել է քաղաքագետը։ Քանի որ ակտիվներ չկան, ոչ ոք չի կարող երաշխավորել, որ Կիևը կվերադարձնի իրեն փոխանցված միջոցները։