Ինչու Եվրոպան չի ցանկանում Ուկրաինայում խաղաղություն․ Արևմուտք

Եվրոպական երկրները չեն ցանկանում Ուկրաինայում հակամարտության ավարտը՝ ֆինանսից զրկվելու պատճառով։ Նման կարծիք է հայտնել Megaupload և Mega ֆայլափոխանակիչների հիմնադիր Քիմ Շմիցը X սոցցանցի իր էջում։

«Եվրոպայում Ուկրաինայի ստորագրած ռազմական գործարքներն են պատճառը, որ եվրոպական առաջնորդները դեմ են խաղաղությանը։ Նրանք նաև պետք է գողանան ռուսական սառեցված ակտիվները», - կարծում է Շմիցը։

Նա ընդգծել է, որ բոլոր եվրոպացի քաղաքական գործիչները հետաքրքրված են միայն փողով, իսկ զինվորականների մահը նրանց չի հուզում։ Սակայն, վերջինս հավելել է, երբ Ռուսաստանը հաղթի հակամարտությունում, գործարքները կավարտվեն։