Թաիլանդի և Կամբոջայի միջև բախումներ են սկսվել

Թաիլանդի և Կամբոջայի սահմանի երկայնքով մարտեր են սկսվել։ Այս մասին գրում է Khaosod պորտալը։

«Բանակը հայտնում է Թաիլանդի և Կամբոջայի սահմանի մի քանի շրջաններում ռազմական բախումների մասին, մեկ զինվորական զոհվել է, ևս չորսը վիրավորվել են», - նշվում Է հաղորդագրության մեջ:

Հայտնի է, որ 2005-2025 թվականներին պետությունների սահմանի վիճելի հատվածներում բախումներ են տեղի ունեցել ծանր տեխնիկայի, հրետանու և ավիացիայի կիրառմամբ։

Հուլիսի 28-ի լույս 29-ի կեսգիշերին քառօրյա սահմանային պատերազմից հետո դադարեցվել է կրակը: Կողմերին հաջողվել է այդ մասին պայմանավորվել Կուալա Լումպուրի բանակցություններում՝ ԱՄՆ-ի, Չինաստանի և Մալայզիայի աջակցությամբ։